Bejtush Gashi

Bejtush Gashi, është njëri nga ekspertët më të mirë të sigurisë në Kosovë, me një karrierë të pasur në pozita të larta shtetërore, nga udhëheqës në menaxhim deri tek funksioni i ministrit të brendshëm. Profesori universitar ka botuar mbi 30 punime shkencore dhe është një ndër ekspertët kryesorë për çështjet e sigurisë.

Me një përvojë mbi katër dekada në mësimdhënie, ai ka ligjëruar në universitete të njohura brenda dhe jashtë vendit. Punimet e tij shkencore përfshijnë tema si "Siguria Kombëtare", "Menaxhimi i Krizave", dhe "Sfidat e Sigurisë përballë një Bote në Ndryshim". Bejtush Gashi Ka marrë pjesë në mbi 60 konferenca shkencore ndërkombëtare dhe është bashkautor i katër librave universitarë.

Profesori Gashi ka ushtruar funksione të rëndësishme institucionale si: Zëvendësministër i Forcës së Sigurisë së Kosovës, Dekan i Fakultetit të Sigurisë Publike dhe Ministër i Punëve të Brendshme. Ai është një kandidat me përvojë të gjatë dhe portfolio të gjerë të punëve, të cilat shërbejnë si një mundësi e madhe për të kontribuar sidomos në zhvillimin e sektorit të sigurisë.

Duke qenë në listën e kandidatëve për deputetë nga Koalicioni për Familjen, Profesori Bejtush Gashi është i përkushtuar për një të ardhme më të sigurt dhe më të qëndrueshme për qytetarët e Kosovës.