Festina Kurteshi

Festina Kurteshi është 23 vjeçare, nga fshati Livoç i Epërm, Komuna e Gjilanit. Ka përfunduar studimet e nivelit Bachelor në Fakultetin e Administratës Publike, në programin Shkencë Politike dhe Diplomaci në Kolegjin AAB në Prishtinë, dhe më pas ka vazhduar me studimet e nivelit Master në programin Marrëdhënie Ndërkombëtare në "Geneva School of Diplomacy" në Zvicër.

Flet tre gjuhë të huaja: anglisht, gjermanisht dhe frëngjisht. Poashtu ka përfunduar një vit praktikë në Misionin e Përhershëm të Republikës së Shqipërisë pranë Zyrës së Organizatës së Kombeve të Bashkuara dhe organizatave të tjera ndërkombëtare në Gjenevë, ku ka pasur mundësinë të marrë pjesë në shumë trajnime dhe konferenca të nivelit vendor dhe ndërkombëtar.

Gjatë karrierës ajo ka shërbyer në pozita të ndryshme, duke përfshirë:

-Kryetare e Asamblesë Komunale të Fëmijëve në Gjilan (2014-2018)

-Kryetare e Komunës së Gjilanit për një ditë në moshën 16 vjeçare (2017)

-Kryetare e Klubit të Debatit dhe Aktiviteteve në Fakultetin e Administratës Publike,

Kolegji AAB (2021-2022)

- Anëtare e Këshillit Drejtues të AKR-së (2022)

- Kryetare e Forumit të Gruas së AKR-së, dega në Gjilan (2023)

- Ambasadore e grupit të studentëve të nivelit Master në Geneva School of

Diplomacy (2023-2024)

Si një e re e motivuar dhe energjike, synon të përfaqësoj me dinjitet grupmoshën

e saj në Parlamentin e Republikës së Kosovës, duke mbrojtur interesat dhe duke

ngritur shqetësimet e tyre.