Smajl Latifi

Emri: Smajl

Emri i babait: Malush

Mbiemri: Latifi

Ditëlindja: 09.10.1971

Vendlindja: Fshati Ratkoc, Komuna e Rahovecit.

I martuar me bashkëshorten Fatimen, me të cilën ka një djalë dhe një vajzë

Shkollën fillore e ka kryer në vendlindje, të mesmen në Rahovec, ndërsa fakultetin në Universitetin e Prishtinës, Fakultetin e Shkencave Matematiko-Natyrore, dega e Kimisë. Në të gjitha nivelet e shkollimit, shquhej për zgjuarsinë e tij dhe suksesin e tij shembullor. Angazhimi në luftën çlirimtare Angazhimin e tij për vendin e ka filluar në moshë shumë të re, duke marrë pjesë në organizimin e protestave kundër pushtuesit sllav, si nxënës i shkollës së mesme në Rahovec. Ndërkaq, përkitazi me rrethanat, është angazhuar në aktivitete kombëtare, të cilat i ka nisur në Lëvizjen Popullore për Republikën e Kosovës (LPRK), për të vazhduar më pas me organizime të ndryshme atdhetare. Ka qenë një ndër anëtarët e parë të organizatës politiko-ushtarake Lëvizja Kombëtare për Çlirimin e Kosovës (LKÇK).Ky angazhim, sigurisht se nuk i ka pëlqyer pushtuesit serb, i cili e ka burgosur për veprimtari atdhetare. Në kuadrin e këtij organizimi, është marrë me organizimin e formacioneve të para, fillimisht të LKÇK-së e më pas të UÇK-së në rajonin e Rahovecit dhe më gjerë. Ka qenë komandant kompanie në Anadrini e më pas komandant i batalionit të tretë të brigadës 124 “Gani Paçarizi” të UÇK-së. Në luftë për atdheun, është plagosur në fshatin Fortesë në betejën e korrikut të vitit 1998. Pas përfundimit të luftës ka vazhduar të merret me veprimtari atdhetare, duke mbështetur fuqishëm idenë e bashkimit të trojeve shqiptare, kudo ku pati nevojë për kontributin e tij.